Iting kapanaunan a ini iyang akakit kung peka masanting a oras para iadwang ke keka ing kakung kapasalamatan. Ikang pekamalugud kung kaluguran. Ikang pekamaulagang dili king bie ku higit pa kaninu man. Kareng anggang kaluguran ku, ika mu ing mamukud tanging mikibalu kareng anggang malilyari king bie ku. Ika ing mumuna kung pakisabyan istung ating babagabag keng lub ku. Istung mangaylangan kung tala pakiramdam kareng sentimyentu ku achu ka, tahimik kang makiramdam. Kareng kaorasan na matula ku kareng tagumpe a akukwa ku, anggyang e mu makaing papakit, balu ku matula ka naman para kanaku. Istung mag bolang bolangan ku keng bie ku, panusignan mu ku, pero kayari na nita, e malyaring e mu ipabalu kanaku nung istu o e istu ing depat ku.
SALAMAT keka KALUGURAN!Eku kalingwan king buung bie ku deng anggang pamanantabe mu kanaku. Balu ku gyang nanu mang malyari ing e mu ku lakwan, e mu ku paburen at balu kunglagi mu kung antabayanan.
Dakal Salamat keka! Kaluguran da kang alang kapara. Maligayang Aldo ning kebaitan keka Best Friend ko! I LOVE You JESUS!
Ing kekang Kaluguran;
Joanne Manalili
(p.s. Kareng kaluguran kung makabasa kanini, balu ku antabayanan nkau naman ning kekatamung best friend. Ibie tamu ing mipnung kapasalamatan ta kaya. ^_^ )
0 comments:
Mag-post ng isang Komento